O discurso catastrofista das grandes multinacionais e da dereita quítalle todo o valor ás decisión políticas do pobo. Catarina Martins, deputada da Assembleia da República Portuguesa polo Bloco de Esquerda, fai fincapé na necesidade de que a esquerda sexa quen de canalizar o descontento coa política para que se traduza nunha nova forza capaz de mudar a situación.

Na conversa entre portuguesa e galegos apareceu, como era de agardar, a relación entre as dúas beiras do Miño. A necesidade de mellorar as ligazóns entre os dous países é evidente para Catarina Martins. Di que non podemos continuar vivindo uns de costas aos outros.